АЛТЫН ГЕФЕСТ: ТМК-ДАҒЫ КӘСІПҚОЙЛЫҚ ПЕН ТАЛАНТТЫҢ САЛТАНАТЫ

2024 ЖЫЛДЫҢ 6 МАУСЫМЫНДА АСТАНА ҚАЛАСЫНДА ЖЫЛ САЙЫНҒЫ ASTANA MINING & METALLURGY (АММ) КОНГРЕСІ АЯСЫНДА ӨТКІЗІЛЕТІН 14-ШІ ҰЛТТЫҚ ТАУ-КЕН МЕТАЛЛУРГИЯ САЛАЛЫҚ «АЛТЫН ГЕФЕСТ» КОНКУРСЫ ӨТЕДІ. БҰЛ ІС-ШАРА САЛТАНАТТЫ МАРАПАТТАУ ҒАНА ЕМЕС, ҚАЗАҚСТАННЫҢ ТАУ-КЕН МЕТАЛЛУРГИЯ КЕШЕНІНІҢ ЖЕТІСТІКТЕРІ МЕН СЕРПІНДІ ДАМУЫНЫҢ ЖАРҚЫН КӨРІНІСІ. «АЛТЫН ГЕФЕСТ» САЛАЛЫҚ КОНКУРСЫНЫҢ ТҰРАҚТЫ СЕРІКТЕСІ – EURASIAN RESOURCES GROUP (ERG) КОМПАНИЯСЫ.

Тау-кен металлургия кешені Қазақстанның барлық экономикасының 10%-ын құрайды. Сонымен қатар, бұл салада шамамен 277 мың адам немесе елдің барлық жалдамалы жұмысшылар армиясының шамамен 3%-ы жұмыс істейді. Бұл ТМК-дағы әрбір кадрды жеке кәсіпорын үшін ғана емес, жалпы экономиканы дамыту үшін де аса құнды әрі маңызды етеді. Олардың қажырлы еңбегі «Алтын Гефест» сияқты құрметті марапаттармен расталған мақтауға және ең жоғары бағалауға лайық.

Биылғы жыл конкурсқа қатысқысы келетіндердің рекордтық санымен атап өтілді. Барлығы 215 өтінім берілді, бұл өткен жылмен салыстырғанда 40%-ға көп (2023 жылы - 153 өтінім).

Қатысушыларды марапаттау ТМК саласының танымалдылығын одан әрі арттыруға бағытталған 15 номинацияда өтеді. Номинациялар қатысушыларға тау-кен металлургия кешенінде жаңа мамандарды дамытуға және жетілдіруге шабыттандыра отырып, кәсіптердің беделін арттыруға ықпал ете отырып, саланың әртүрлі бағыттарында өздерінің кәсіби дағдыларын көрсетуге мүмкіндік береді.

«Жыл кәсіпқойы» номинациясында алты жүлде – Жыл геологы, Жыл тау-кеншісі, Жыл металлургы, Жыл кеншісі, Жыл байытушы маманы және ТМК саласындағы әйелдер болады. Бұл марапаттар әр санаттағы мамандардың ерекше жетістіктерін атап өтіп қана қоймай, олардың бүкіл саланы дамыту үшін жұмысының маңыздылығын көрсетеді. Лауреаттар өз үлестері үшін лайықты құрметке ие болады, бұл олардың кәсіби беделінің өсуіне ықпал етеді және басқа мамандарды жаңа жетістіктерге шабыттандырады.

Қазақстандағы тау-кен металлургия саласы туралы жазатын журналистер, ТМК оқу, зерттеу, жобалау және кәсіпкерлік облыстарының қызметкерлері  «Жылдың үздік әлеуметтік жобасы», «Өнеркәсіп қауіпсіздік бойынша жыл көшбасшысы», «Жыл тәлімгері», «Жыл ғалым-педагогы», «Үздік дипломдық жұмыс», «Жыл медиа жобасы. ТМК туралы баспасөз бен Интернет-қорындағы ең үздік журналистік жұмыс», «Жыл медиа жобасы. ТМК туралы ТВ-дағы ең үздік журналистік жұмыс» «ТМК саласында үздік digital-шешім» (ERG Премиясының Бас серіктесінен арнайы номинация), «Үздік ESG стратегиясы» номинациялары бойынша марапатталады.

Биылғы конкурстың жаңалығы келесіде берілген номинациялар бойынша ақшалай сыйлықтардың ұлғаюы болды: «Үздік дипломдық жұмыс» - 300 000 тг, «Жыл ғалым-педагогы» - 500 000 тг, «ТМК туралы баспасөз бен Интернет-қорындағы ең үздік журналистік жұмыс» - 300 000 тг, «ТМК туралы ТВ-дағы ең үздік журналистік жұмыс» – 300 000 тг. Аталған номинациялардағы сыйлықақыларды арттыру БАҚ өкілдерін қоғам мен жастарды ТМК маңыздылығы туралы ақпараттандыруға, сондай-ақ осы салада ғылыми, зерттеу жұмыстарымен айналысуға ынталандырады. 

2024 жылы конкурстың маңызды элементі БАҚ пен ТМК компаниялары арасындағы өзара әрекеттестікті күшейту болады. АММ конгресі аясында БАҚ өкілдері үшін арнайы ұйымдастырылған эксклюзивті іс-шаралар өтеді. 6 маусым күні Қазақстанның негізгі және салалық БАҚ маңызды мәселелерді қарастырады және министрліктердің, ұлттық компаниялардың және ірі ТМК ұйымдарының баспасөз-таңғы асындағы баспасөз қызметтерімен тәжірибелерімен бөліседі. 7 маусым күні Амфитеатр аймағында «Алтын Гефест» салалық конкурсының жеңімпаздары студенттер мен жас мамандарды үлкен жетістіктерге ынталандыра отырып, конкурсқа қатысудағы табысты тәжірибелерімен бөліседі. Сондай-ақ, конгресстің екінші күні PR тренингі өтеді, онда сарапшылар ТМК PR – National Identity-дегі жаңа бағытты талқылайды.

«Алтын Гефест» – бұл жай ғана конкурс емес, ТМК мамандарын біріктіруге, олардың саланы дамытуға қосқан үлесін мойындауға және жаңа ұрпақты шабыттандыруға арналған алаң.

Конкурс ҚР Өнеркәсіп және құрылыс министрлігінің және іс-шараның Бас серіктесі – ERG (Еуразиялық Топ) қолдауымен ұйымдастырылды.